TorajaInfoDotCom
SHARE :

Anak Deata

3
04/2020
Kategori : Ulelean Pare
Komentar : 0 komentar
Author : chamali


Iatu Balanda sae langngan tondokta den tu ma’parenta apa den toda tu sae pa’petandan aluk kasaranian.
Den ade’ dolona misa’ inan do tondokta masuli’ liu natamai Aluk Sarani tonna sae Balanda. Piramo ade’ tu Balanda bu’tu la pa’petandan Aluk Sarani apa naulai’ bang to ma’tondok indeto.
Dipasaemi ade’ misa’ penginjil Balanda, mangngura pa, langngan tondokta la disua lako inan indeto. iamoto na buda tu apa parallu napeladai’ dolo diona katorayan la mendadi kinallona. ia tonna rampomo langngan tondokta, manarangmo ma’basa toraya sia manarangmo ulleleanni tu eran dilangi’. Apa ia mandari dikka’ tonna rampo dio Batavia kecelakaan na sidi’ mate. Saba’ kecelakaan iato, disondai nasang dikka’ tu isinna sola isi palsu, sia misa’ lette’na palsu todamo.
Kondi’ ulelean, … ia tonna bu’tu dio inan iato, do tondokta, marekomi pa’tondokan kumua den omo misa’ penginjil Balanda rampo dio pasanggrahanna to ma’parenta. Nasuami Parengnge’ lo umpenunui dio to’tok rinding tonna bongi. Moi anna palita bangri tu dukku, apa natiro manassa to disua ma’penunu tu Balanda iato patassu’ isi palsunna sola ullendokan lette’ palsunna. Sulemi te to disua ma’penunu umpokadai lako Parengnge’ kumua, iatu Balanda rampo temo anak deata ia. Nakuami ma’kada, kitiro manassa umpatassu’ mintu’ isinna sola kallena lammai pudukna apa tae’ ia na kerara. iatoda tu misa’ lette’na bassi ia. Mataku’mi Parengnge’ urrangi kumua anak deata balanda ade’ tu rampo, tae’ ade’ rarana. iamoto tae’ na barani Parengnge’ sia pa’tondokan unnulai’ tinde Balanda mane rampo. Ondong pissan raka tonna sitammu na ma’basa toraya tinde Balanda sia manarang ulleleanni tu eran dilangi’ sia passomba tedong. Mangnga todami tau sangtondok urrangi kamaluteanna tinde Balanda umpokadai tu Kadatuan Do Tangngana Langi’. Nakua nasangmi tau sang tondok, inang manassa anak deta tu rampoiki’.

Oleh: Tiendas Mangeka

Please follow and like us:

Berita Lainnya



Tinggalkan Komentar

Social Share Buttons and Icons powered by Ultimatelysocial